യുഎഇയുടെ ആദ്യ വനിതാ ബഹിരാകാശ സഞ്ചാരി നൂറ അൽ മത്റൂഷി ബഹിരാകാശത്തേക്ക് പോകാൻ തീരുമാനിച്ചു. യുഎഇയുടെ ഏറ്റവും പുതിയ ദൗത്യത്തെക്കുറിച്ച്  പ്രഖ്യാപിച്ചത് കഴി‍ഞ്ഞ ദിവസം ആയിരുന്നു. ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമാണ് ഇതുമായി ബന്ധപ്പെട്ട പ്രഖ്യാപനം നടത്തിയത്.

അടുത്ത വർഷം അറബ് ലോകത്തെ ഏറ്റവും നൂതന ഉപഗ്രഹമായ എംബിസെഡ് സാറ്റ് യുഎഇ വിക്ഷേപിക്കും . വനിതാ ശാക്തീകരണം ബഹിരാകാശത്തോളം യുഎഇ എത്തിക്കുന്നതിന്റെ ഭാഗായാണ് ഒരു വനിതയെ അടുത്ത തയ്യാറെടുപ്പിനായി യുഎഇ തെരഞ്ഞെടുത്തിരിക്കുന്നത്. കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം പ്രഖ്യാപനം വലിയ കെെയ്യടിയോടെയാണ് യുഎഇ ഏറ്റെടുത്തിരിക്കുന്നത്. 6 മാസത്തെ ബഹിരാകാശ ദൗത്യം പൂർത്തിയാക്കി സുൽത്താൻ അൽ നെയാദി കഴിഞ്ഞ മാസമാണ് തിരിച്ചെത്തിയത്. അതിന് ശേഷം ആണ് യുഎഇയുടെ രണ്ടാമത്തെ ബഹിരാകാശ സഞ്ചാരി യുടെ പ്രഖ്യാപനം എത്തിയിരിക്കുന്നത്. ബഹിരാകാശ പര്യവേക്ഷണത്തിന്റെ ഭാവി പദ്ധതിയിൽ എല്ലാം യുഎഇക്ക് വലിയ പങ്കുണ്ട്. ഇതിന് വേണ്ടിയുള്ള പ്രവർത്തനങ്ങൾ യുഎഇ നടത്തികൊണ്ടിരിക്കുകയാണ്. ദുബായ് പൊലീസ് മുൻ ഹെലികോപ്റ്റർ പൈലറ്റായ മുഹമ്മദ് അൽ മുല്ലയെയും എൻജിനീയർ നൂറ അൽ മത്റൂഷിയെയും ആണ് ദുബായ് 2021ൽ ബഹിരാകാശ ദൗത്യത്തിന് തെരഞ്ഞെടുത്ത് അയച്ചത്. നാസ പരിശീലന കേന്ദ്രത്തിലേക്ക് ആണ് ഇവരെ അയച്ചത്. ഇവിടെ അവസാന ഘട്ടത്തിലെ പരിശീലനത്തിലാണ് ഇവർ.